Opið fyrir umsóknir í Intelligent Energy Europe
05.01.2012
Opnað hefur verið fyrir nýjar umsóknir innan "Intelligent Energy Europe"
Evrópusambandið hefur sett fram metnaðarfull markmið hvað varðar hreina og örugga orku fyrir Evrópubúa í framtíðinni. Til að ná þessum markmiðum er mikilvægt að ný þekking og ný tækni nái útbreiðslu á markaði. Verkefnið Intelligent Energy Europe er sett á laggirnar til að auka möguleika á því.
Opnað hefur verið fyrir ný köll innan þess til að þróa tækninýjungar í tengslum við endurnýjanlega orku. Verkefnið hefur þrjú meginmarkmið:
•Kynning á orkunýtni og að hvetja til skynsamlegrar nýtingar orku
•Ýta undir notkun nýrra orkugjafa og hvetja til fjölbreytni í orkunotkun
•Stuðla að meiri orkunýtingu í flutningum
Lesa meira...
Styrkir til bættrar einangrunar húsnæðis – Átaksverkefni 2011
12.12.2011
Iðnaðarráðuneytið í samvinnu við Orkustofnun/Orkusetur hefur ákveðið að styrkja húseigendur sem ráðast vilja í endurbætur á einangrun húsnæðis í þeim tilgangi að draga úr orkunotkun og þar með kostnaði við upphitun þess.
Átaksverkefni 2011 er beint að húsnæði sem byggt er fyrir 1945, áður en lágmarkskröfur til einangrunargilda (U-gilda) byggingarhluta voru settar í byggingarreglugerðir
Um styrk getur sótt hver sá eigandi húsnæðis (byggt fyrir 1945) sem fær húshitunarkostnað sinn niðurgreiddan úr ríkissjóði.
Upphæð styrks til einstakra verkefna getur numið allt að kr. 600.000 en þó aldrei hærri upphæð en 50% af innkaupsverði efnis.
Við mat á umsóknum verður horft til orkunotkunar húsnæðis. Forgang hafa verkefni til endurbóta þar sem orkunotkun hefur reynst verulega mikil í samanburði við viðmiðunargildi fyrir sambærilegt húsnæði.
Umsóknareyðublöð má nálgast hér: umsókn
Lesa meira...
Fyrsta vindrafstöðin á Íslandi sem selur inn á landskerfið
09.07.2011
Orkusetur hefur aðstoðað Harald Magnússon bónda á Belgsholti við að koma upp fyrstu vindrafstöðinni á Íslandi sem tengd er almenna raforkukerfinu. Þetta eru stór áfangi því nú bætist formlega við þriðji orkugjafinn inn á raforkukerfi landsmanna.
Lesa meira...
Varmadæluvefur í loftið
11.11.2010
Orkusetur setur hér með í loftið undirvef sem fjallar um varmadælur. Varmadælur geta lækkað raforkureikning íbúa á rafhituðum svæðum verulega og mikilvægt að stuðla að uppsetningu þeirra sem víðast. Vefinn má finna á eftirfarandi slóð:
Lesa meira...