Sjálfsbjörg fær viðurkenningu frá Orkusetri

Orkusetur hefur veitt Sjálfsbjörg viðurkenningu fyrir umhverfislega ábyrgð í vali á vinningum í jólahappdrætti sínu.  Það er mikil ábyrgð fólgin í því að velja bíl fyrir notendur.  Val á bifreið er ein allra stærsta umhverfisákvörðun einstaklinga.  Með því að hafa bifreið á vinningaskrá er í raun verið að velja bifreið fyrir vinningshafa og því mikilvægt að slík bifreið sé sem umhverfisvænust.

Með því að hafa rafbíl í fyrsta vinning er Sjálfsbjörg að stíga mörg jákvæð skref.  Með slíkri ákvörðun er verið að stuðla að nauðsynlegum framtíðarorkuskiptum í íslenska bílaflotanum.  Einnig fá rafbílar góða kynningu sem raunhæfur kostur í íslenskum samgöngum og mögulega vinnur einhver einstaklingur rafbílinn sem ekki hafði slík kaup á stefnuskrá sinni.  Vonandi verður þetta val Sjálfsbjargar öðrum happadrættisútgáfum til fyrirmyndar.

By | 2014-12-13T20:25:37+00:00 December 9th, 2014|forsida|Comments Off on Sjálfsbjörg fær viðurkenningu frá Orkusetri

About the Author: