Samkvæmt umhverfisskýrslu Bílaleigu Akureyrar hefur meðalútblástursgildi bifreiða leigunnar farið úr 189 CO2 g/km árið 2007 niður í 179 CO2 g/km 2009. Slíkur árangur skiptir verulegu máli í flota sem telur yfir 2000 bifreiðar á sumrin. Bílaleigan hefur nú einnig hlotið ISO vottanir.
Vistvæn Orka ehf hefur lokið fyrsta áfanga í prófunum á lömpunum. Nokkrir LED ljósdíóðulampar hafa hafa verið í prófunum í tilraunagróðurhúsi LBHÍ að Reykjum, Ölfusi frá því í byrjun desember 2009. Lamparnir sem eru vatnskældir hafa staðist allar væntingar um stöðugt ljósmagn, orku- og kæliþörf.
14. desember tóku Íslensk NýOrka og Brimborg á móti 10 nýjum efnaraflabílum af gerðinni Ford Fókus. Þessir bílar hafa verið notaðir áður en Ford valdi Ísland til að ná hámarksnotkun á þessari kynslóð efnaraflabíla sinna. Þetta er mikil viðurkenning gagnvart rekstri vetnisstöðvar, sem er í höndum Skeljungs og eftirliti og viðhaldi með bílum af þessu tagi, sem er nú í höndum Icelandic Hydrogen.
Á dögunum veitti Orkusetrið Orkuveitu Reykjavíkur viðurkenningu fyrir vefinn „Orkan mín“ sem framúrskarandi lausn fyrir viðskiptavini.
Á vefnum www.orkanmin.is geta viðskiptavinir Orkuveitunnar fylgst með orkunotkun sinni á afar aðgengilegan hátt og nýtt upplýsingarnar til að bæta orkunýtinguna á heimilinu.
Nú hefur Orkusetur sett í loftið nýja reiknivél sem ber saman kostnað við rekstur metanbifreiða annarsvegar og hefbundinna bifreiða hinsvegar. Kaup og rekstur metanbifreiða er afar hagstæður um þessar mundir þar sem bæði innkaupaverð og eldsneytiskostnaður er lægri en á sambærilegum bifreiðum sem ganga eingöngu fyrir jarðefnaeldsneyti. Að auki er Metan innlent og umhverfisvænt eldsneyti sem sparar gjaldeyri og dregur úr útblæstri gróðurhúsalofttegunda.
Fjölmargir sérfræðingar frá stærstu bílaframleiðendum heims, framsæknum orkufyrirtækjum og rafhlöðuframleiðendum svo og háskólum eru meðal fyrirlesara á Driving Sustainability ´09, alþjóðlegri ráðstefnu í Reykjavík um sjálfbærar orkulausnir í samgöngum. Þeir munu veita innsýn í stefnumótun og hagkvæmustu tæknilausnir í vistvænum samgöngum sem eru í boði í dag. Hátt í 200 þátttakendur frá 25 löndum eru skráðir á ráðstefnuna, s.s. frá Norðurlöndum, Bandaríkjunum, Japan og Kína.
Í þessari viku voru settar upp loft-varmadælur í leikskólanum Kríubóli á Hellissandi. Var það fyrirtækið Varmavélar ehf. sem sá um það verkefni. Verkefnið er samstarfsverkefni Orkuseturs og Snæfellsbæjar. Megin tilgangur verkefnisins er að kanna hversu mikið megi spara af raforku til hitunar með því að nota loft-varmadælu.
Orkusetur og Vistvæn Orka ehf hafa nú hafið samstarf um lokasmíði og prófanir á ljósdíóðulömpum sem þróaðir eru á Íslandi. Fyrirtækið Vistvæn Orka ehf. hefur unnið að þróun hagkvæmra gróðurhúsalampa sem byggja á LED ljósdíóðutækni og ætlaðir eru fyrir garðyrkjubændur sem hafa matjurta- og blómarækt að atvinnu. Meðal nýjunga er hár endingartími, eða allt að 100.000 klst., mikill raforkusparnaður í samanburði við háþrýsta natríumlampa (HPS).
Iðnaðarráðuneytið í samvinnu við Orkustofnun/Orkusetur hefur ákveðið að styrkja húseigendur sem ráðast vilja í endurbætur á einangrun húsnæðis í þeim tilgangi að draga úr orkunotkun og þar með kostnaði við upphitun þess. Að auki býður Íbúðarlánasjóður upp á lán til endurbóta sem nýst geta við fjármögnun verkefna.
Ísland er aðili að orkuáætlun innan Samkeppnis-og nýsköpunaráætlunar ESB - Intelligent Energy. Næsti umsóknarfrestur er 24. júní 2008.