Samkvæmt nýjustu tölum frá Umferðarstofu þá eru metanbifreiðar, sem skráðar eru í bifreiðaskrá, orðnar 111 talsins. Til viðbótar eru þrjár bifreiðar sem skráðar eru bensínbifreiðar en hefur verið breytt í metanbifreiðar af fagaðilum hér á landi. Metanbifreiðum hefur því fjölgað um liðlega 33% á milli áranna 2007 og 2008, en þær voru 79 í lok maí 2007.
Flestar eru bifreiðarnar af gerðinni Volkswagen, eða 71 bifreið. Gera má ráð fyrir enn meiri fjölgun metanbifreiða í kjölfar mikilla hækkana á jarðefnaeldsneyti og aukinni umræðu um takmörkun á losun gróðurhúsalofttegunda í samgöngum.
Hlutverk Orkuseturs Orkustofnunnar er að stuðla að aukinni vitund almennings og fyrirtækja um skilvirka orkunotkun og möguleika til orkusparnaðar.
Verkefni Orkuseturs eru einnig á sviði nýrra orkugjafa og gerð fræðsluefnis.
Copyright © 2023 Orkusetur.is
